Medra nun 30% o servizo de datos compartidos de Movistar

Avanza a tecnoloxía que xunta recursos ata o de agora illados para gañar en comodidade, vantaxes e operatividade. Un exemplo práctico e concreto disto é o servizo Datos Compartidos de Movistar, que vén de ser obxecto de reconto por parte da operadora. Este servizo, como lembraremos, diríxese a fornecer aos usuarios (a disposición de todas as liñas móbiles dun cliente) dunha gran bolsa datos. Isto conséguese pola suma dos datos de cada unha das liñas de cada cliente. Segundo informa Movistar, o servizo de Datos Compartidos medrou un 30% (máis de 700.000 liñas) en sete meses. Máis polo mido, pasou de optimizar máis de 2,4 millóns de liñas móbiles en decembro de 2017 a máis de 3,1 millóns en xullo 2018.
A operadora engade que o tamaño medio da bolsa de datos acada os 15,5 GB, unha cifra que se incrementou en preto de 3 GB durante o primeiro semestre do ano coas melloras introducidas nos produtos de Movistar Fusión.
En pouco máis de tres anos, o servizo de Datos Compartidos de Movistar medrou de maneira exponencial ao multiplicarse por 25 tanto o número de liñas (pasando de 121.000 liñas en xullo de 2015 ás máis de 3,1millóns actuais) como os clientes (dos 50.000 clientes en xullo 2015 aos máis de 1,3 millóns actuais). O tamaño medio da bolsa aumentou de 4,3 GB a 15,5 GB.