Facebook reforza as súas medidas contra a desinformación

Dende Facebook anuncian que continúan a reforzar as súas medidas para loitar contra a desinformación na súa plataforma, detallando que incluso están prepararse para poder defenderse ante a emerxencia de vídeos deepfake nos que se deforme a realidade a través de técnicas de retoque de imaxe e son baseadas en intelixencia artificial.
Pero tamén continúan a chegar a acordos con entidades repartidas por todo o mundo como verificadores de feitos, para poder así minimizar a difusión de contidos manipulados ou claramente falsos, entre os que xa se deixan ver en España as achegas de equipos como o de Maldito Bulo e Newtral, de xeito que, por exemplo, os vídeos que está considerados como manipulacións, xa non se reproducen automaticamente, e inclúen un aviso para explicar a falsidade dos seus contidos (deixando en mans do usuario se quere reproducilos ou non).
Semella que quixeron que estas novas medidas conseguisen certa visibilidade, de xeito que entre as informacións verificadas como falsas está unha publicación do líder de Vox, o que claramente fará que este movemento de Facebook pareza unha medida seria e decidida.