Twitter engade reaccións ás súas mensaxes directas

As reaccións en Facebook son un elemento que buscaba corrixir unha situación que se daba na plataforma social de Mark Zuckerberg, na que a única opción de interacción sen comentar era premer no botón de gústame, cando o contido en cuestión podería ser lutuoso ou ofensivo, o que podería crear equívocos, e semella que dende Twitter entenderon que a idea era boa, e nas mensaxes directas permiten agora premer nunha icona dun corazón xunto a un signo de máis para despregar unha serie de emoticonas para que elixamos a que mellor reflicte a nosa reacción.
As reaccións xeran unha notificación para os participantes das conversas, polo que habería que utilizalas con mesura, sendo tamén posible o seu borrado. No caso de que teñamos unha versión vella da aplicación de Twitter para iOS ou Android, a rección amosarase como mensaxe de texto.