Un equipo de investigación en seguridade informática de vpnMentor detectou a filtración dunha base de datos con máis de 123 millóns de rexistros e máis de 9 GB de tamaño nun servidor de ElasticSearch que pertencería a Decathlon España. A información teríase descuberto o pasado día 12, e tras uns días de investigación, notificouse á compañía, que pechou o acceso a tal base de datos dun xeito case inmediato.
A base de datos incluiría nomes de usuario de empregados, contrasinais sen cifrar, rexistros da API, información persoal de empregados, enderezos IP privados e enderezos de correo electrónico de clientes coa correspondente información de identificación (sen cifrar).
Dende Decathlon quitan ferro ao asunto, e aseguran que só o 0,03% dos datos filtrados serían de usuarios, sendo o resto «datos técnicos internos». Tamén salientan que «en ningún caso víronse afectados nin contrasinais nin números de tarxetas de crédito, nin información persoal sensible».
Decathlon padece unha filtración de datos
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
