Meta presenta un superordenador orientado á intelixencia artificial

Meta anuncia hoxe o AI Research SuperCluster (RSC), o que consideran que está entre os superordenadores coa intelixencia artificial máis rápida na actualidade e que chegará a converterse no superordenador máis rápido do mundo cando se complete a súa construción a mediados de ano. A súa intelixencia artificial pode efectuar tarefas como traducir texto entre varios idiomas ou axudar a identificar contido perigoso.
O RSC axudará a que Meta desenvolva novos modelos de intelixencia artificial capaz de aprender de billóns de exemplos, traballar entre centos de diferentes idiomas, desenvolver novas ferramentas de realidade aumentada e moitas outras funcións que, en boa medida, están enfocadas ao desenvolvemento do metaverso.