Simyo mellora as súas tarifas de fibra

Dende Simyo destacan por ter as tarifas máis flexibles do mercado, pero tamén queren ser competitivos en prezo, de aí que melloren agora as súas tarifas de fibra, o que supón que os usuarios que teñan contratada unha velocidade de 100 Mbps pasarán a ter fibra de 300 Mbps polo mesmo prezo (25,99 euros), o que nos lembra que a semana pasada MásMóvil fixo algo semellante, polo que temos un bo exemplo das bondades que ten a elevada competencia deste mercado.
Os usuarios que tiñan contratada fibra a 300 Mbps por 28,90 euros/mes pasarán a ter fibra a 500 Mbps por 27,99 euros/mes; e os que xa teñan fibra de 500 Mbps por 30,99 euros/mes aforrarán 3 euros ao mes. Cómpre lembrar que estas rebaixas de prezo son aínda máis baratas se temos contratada unha liña móbil que custe como mínimo 7 euros/mes, de xeito que as conexións de fibra de 100, 300 e 500 Mbps pasan a custar 18,99, 21,99 e 23,99 euros/mes.
Estes cambios nas tarifas de Simyo aplícanse tanto aos clientes actuais como aos novos.