Movistar leva Internet de alta velocidade ao 67% de Allariz e ao 86% de Vilagarcía

A operadora Movistar fixo balance dos traballos despregados en Allariz e Vilagarcía para levar Internet de alta velocidade á poboación e ás empresas destes concellos. No seu balance a empresa fai saber que o 67% de Allariz xa conta con tecnoloxía de Fibra Óptica ata o Hogar (FTTH) de Movistar, e no caso de Vilagarcía o 86%.
Allariz
Movistar vén de levar a súa fibra óptica a sete núcleos de poboación de Allariz, o que permitiu que 200 novas unidades inmobiliarias dispoñan desta avanzada infraestrutura de comunicación. A conexión destas vivendas á FTTH de Movistar supón máis do 67% de todas as unidades inmobiliarias de Allariz. Os novos núcleos con cobertura de FTTH de Movistar son Laioso, Duci, Armea, Truzas, O Souto, Santa Mariñoa de Augas Santas e A Matogueira.
Vilagarcía
Movistar despregou a súa tecnoloxía FTTH en catro núcleos de poboación de Vilagarcía, o que permitiu que 200 novas unidades inmobiliarias dispoñan desta infraestrutura.
Estas vivendas súmanse ás 35 xa conectadas nos últimos meses ao FTTH de Movistar, o que supón o 86% de todas as unidades inmobiliarias de Vilagracía. Os novos núcleos con cobertura de FTTH de Movistar son O Casal, A Doa, O Sordido e A Amproa.
Vantaxes
A operadora explica que os fogares conectados á fibra óptica de Movistar poden gozar de voz con alta calidade nas chamadas e máxima velocidade de conexión a Internet en varios dispositivos (computador, tableta, móbil…) de forma simultánea e sen reducir a velocidade de conexión, entre outras vantaxes. Ademais, se o usuario dispón de MovistarPlus, terá acceso a canles de alta definición e poderá gozar dos seus contidos mentres navega por Internet, ademais de conseguir a máxima velocidade e resposta nos xogos en rede.