Remata completamente o soporte de Windows 7 e Windows 8.1

En 2019 anunciouse que o sistema operativo Windows 7 deixaría de recibir actualizacións de seguridade en xaneiro de 2020, pero matizábase que as empresas que non poidan actualizar a Windows 10 os seus equipos podían recorrer ás actualizacións de seguridade estendidas (de pagamento) de Windows 7 Professional e Windows 7 Enterprise ata este mesmo mes, e finalmente chegou a data esperada, e dende hoxe Windows 7 é un sistema operativo oficialmente abandonado, polo que o seu uso conectado á Internet consideraríase extremadamente perigoso, xa que carecería de parches de seguridade no propio sistema operativo, facendo os sistemas moi vulnerables a ataques en liña.
Curiosamente hoxe mesmo está tamén fixado o remate do soporte de Windows 8.1, o sistema operativo que precedeu a Windows 10, polo que recoméndase aos usuarios de tal sistema que actualicen a Windows 11. Curiosamente con Windows 8.1 non existirá un programa de actualizacións de seguridade estendidas, polo que podemos entender que este sistema actualizouse masivamente a Windows 10 no seu día, polo que non hai demanda por parte das empresas que xustifiquen o seu mantemento a moi longo prazo.