Meta usa a IA para detectar cando un adolescente agocha a súa idade real

Meta anunciou hai uns días novas medidas para protexer os adolescentes nas súas plataformas coa ampliación das Contas para Adolescentes de Instagram a Facebook e Messenger, e avanzando nesa dirección inician hoxe nos EE.UU. as probas dunha tecnoloxía baseada en intelixencia artificial para identificar de xeito proactivo contas que sospeitan que pertencen a adolescentes, aínda que figuren cunha data de nacemento de persoa adulta, para así aplicarlles de xeito automático unha configuración propia a unha conta de adolescente.
Meta xa leva un tempo empregando a IA para determinar intervalos de idade dos usuarios, para así adoptar medidas de seguridade e detectar comportamentos que atenten á protección de menores. Pese a todo estamos ante unha tecnoloxía que aínda está pouco madura, polo que é posible que realice identificacións incorrectas, polo que será posible revisar os casos de identificacións como menor incorrectas. O que resulta evidente é que cada vez será máis difícil que os menores poidan ocultar a súa idade real, e como resultado as plataformas poderán ofrecerlles experiencias en liña máis axeitadas á súa idade.