Jazztel mellorará a velocidade da súa fibra óptica

Os operadores de telecomunicacións están a retomar o novo curso con melloras nas súas velocidades, que van aplicando paulatinamente, e a última en sumarse a esta tendencia é Jazztel, marca do Grupo Orange, que nas vindeiras semanas incrementará as velocidades das súas conexións de fibra óptica sen incrementar o prezo con respecto ás tarifas actuais.
A mellora de velocidade de Jazztel terá lugar de xeito progresivo nos meses de outubro e novembro, aplicándose tanto a novos clientes como a antigos. As clientes actuais a compañía irá informándoos sobre a dispoñibilidade da nova velocidade de conexión.
Actualmente Jazztel ten conexións de fibra óptica de 50, 150 e 400 Mbps que pasarán a ser de 100, 300 e 600 Mbps, con simetría en todos os casos, o que supón unha mellora substancial que beneficiará especialmente aos que contan con conexións á velocidades máis baixas, xa que ao fixar a conexión mínima nos 100 Mbps garántese un acceso á Rede que en moitos casos achegaríase moito ás velocidades máximas das que poden gozar os equipos conectados coa infraestrutura doméstica actual, e que sería máis que dabondo para poder gozar de xogos en liña e reprodución de vídeo 4K en varios equipos á vez.