El Corte Inglés levará o seu servizo de envíos en 2 horas a toda España

Actualmente El Corte Inglés permite que moitos dos seus produtos poidan adquirise en liña e recibirse na casa en só 2 horas a través do servizo Click & Express, dispoñible en 54 cidades españolas (incluíndo A Coruña, Santiago de Compostela e Vigo), pero que podería dar un salto de xigante dentro de poucos meses ao ampliar o servizo a toda España.
Click & Express está dispoñible para medio millón das 1,5 millóns de referencias do catálogo en liña de El Corte Inglés, e poderá medrar aproveitando as súas 3 grandes plataformas loxísticas e as máis de 640 tendas coas que conta repartidas por toda a xeografía española, segundo trasladou a compañía aos seus investidores.
Aseguran que o grupo aproveitará as localizacións estratéxicas das súas tendas como dark stores destinados ao delivery, ou sexa, que poderán chegar ao consumidor máis rápido que os seus competidores, especialmente en cidades de tamaño medio.