As alumnas do Programa Integrado de Emprego de Compostela Monumental e a Xunta de Galicia finalizaron xa os cursos virtuais Coaching para atopar emprego e Intelixencia Emocional para o Emprego. Segundo informa a entidade empresarial santiaguesa, con estes cursos quíxose acadar que as participantes en ambas actividades formativas, tirando proveito das mellores ferramentas tecnolóxicas de adestramento e avanzando en recursos de intelixencia emocional, optimizasen a súa empregabilidade.
Estas accións, ás que se lles deu continuidade en formato virtual por mor do Decreto de Alarma e a imposibilidade de seguir traballando en formato presencial, forman parte do itinerario formativo de turismo e comercio do programa integrado de emprego de Compostela Monumental en colaboración coa Dirección Xeral de Orientación e Promoción Laboral da Xunta de Galicia. Os cursos foron impartidos por Nelly Rey Rey e Teresa Hernández Armentia. Nestes momentos Compostela Monumental ten activo o curso formativo en liña Prevención de Riscos Laborais que finalizará o día 27 deste mes.
Compostela Monumental tira proveito da teleformación para mellorar a empregabilidade das mulleres
Compartir Este Artigo
-PUBLICIDADE-
- A Xunta aproba a Estratexia Galega de Software Libre para impulsar a innovación, a competitividade empresarial e a mellora dos servizos públicos
- A Xunta convoca novas probas para obter a Certificación Galega de Competencias Dixitais no nivel iniciación
- A Axencia para a Modernización Tecnolóxica ofrece formación en ciberseguridade para un nadal máis seguro
- As persoas maiores de 74 anos que usan internet en Galicia duplícanse en catro anos
