Microsoft ofrece 19.700 millóns de dólares por Nuance

Microsoft vén de pechar un acordo do compra de Nuance Communications por un prezo total de 19.700 millóns de dólares en efectivo, de xeito que pagarían un 23% máis da cotización da compañía o pasado venres. Nuance é unha das compañía líderes en intelixencia artificial, especialmente no que respecta a recoñecemento de voz e imaxe, e a intención de Microsoft nesta adquisición está na potenciación das súas solucións para o sector profesional da saúde, no que Nuance ten solucións como Dragon Ambient eXperience, Dragon Medical One e PowerScribe One, especializadas no rexistro de documentación clínica facendo uso de recoñecemento de voz e sustentadas na nube de Microsoft, de aí que esta operación poida considerarse como un paso natural.
Aínda que a operación estivese motivada polas súas posibilidades no ámbito da saúde, a tecnoloxía de Nuance tamén está detrás de solucións de resposta interactiva mediante a voz, asistentes virtuais e outras solucións que poderán axudar a potenciar os diferentes servizos que ofrece Microsoft.
A operación foi acordada polos cadros de dirección de Microsoft e Nuance, quedando agora agardar polas aprobacións dos diferentes reguladores para previsiblemente permitirán o peche da adquisición a finais do presente ano.