Coa publicación de podcasts Spotify deixou claro que o seu negocio é o audio, non exclusivamente a música, e reforzando esa idea anuncian agora que chegaron a un acordo de colaboración coa plataforma de audiolibros Storytel, que chegou a España en 2017, para que os seus usuarios poidan ligar as contas en ambas plataformas, de xeito que os usuarios poderán gozar da reprodución de audiolibros dende Spotify.
Esta alianza é grazas á existencia da Open Access Platform, sistema que achega aos oíntes unha maior variedade de contidos á vez que facilita que os que o explotan comercialmente teñan novas canles de distribución á vez que manteñen o control sobre o seu modelo de negocio.
Os audiolibros de Storytel chegarán a Spotify ao longo do presente ano, e podemos entender que deste xeito amplíanse as posibilidades de Storytel, xa que os seus contidos paran a estar accesibles a través dos numerosos dispositivos que actualmente son compatibles con Spotify, sen que Storytel teña que desenvolver solucións específicas para cada plataforma.
Spotify permitirá reproducir os audiolibros de Storytel
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
