A rede de capacitación tecnolóxica da Deputación de Pontevedra, o programa SmartPEME, iniciou xuño con novos obradoiros online para seguir avanzando na transformación do día a día laboral e empresarial das persoas autónomas, as e os profesionais, as medianas e pequenas empresas e as microempresas. Trátase de tres novas actividades formativas, enmarcadas na carteira de obradoiros que se imparten de forma telemática. As accións versan sobre como mellorar a produtividade con Trello; conceptos, palabras clave e primeiros pasos para traballar o SEO e debuxo con Onshape.
Comezaron este martes co obradoiro Mellora a túa produtividade con Trello e outras aplicacións I, no que a posgraduada en Comunicación e Industrias Creativas Fátima Faílde introduciu esta ferramenta e tratará temas como a produtividade e o teletraballo.
Este mércores 2, Adrián Fernández, licenciado en Comunicación Audiovisual, impartirá Iniciación ao SEO I: conceptos, palabras clave e primeiros pasos, obradoiro que ten a finalidade de achegar os conceptos básicos que compoñen o SEO e ensinar como mellorar o posicionamento web nos principais buscadores.
Para finalizar a semana, o xoves 3, celébrase Debuxo con Onshape, partstudio III, onde Manuel Freire, experto universitario en Robótica e Impresión 3D, falará deste software de debuxo 3D na nube.
SmartPEME comeza xuño con tres novos obradoiros online
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
