A Deputación de Pontevedra, a través da súa rede de capacitación tecnolóxica SmartPEME, oferta esta semana tres novas accións formativas impartidas de xeito en liña, da carteira de obradoiros que se imparten telematicamente ao servizo de autónomos, profesionais e pequenas e medianas empresas. As accións versan sobre o emprego de ferramentas dixitais para a restauración e a hostalería, o funcionamento de WhatsApp Business e a promoción de empresas con Pinterest.
En concreto, este martes 20 impartirase o obradoiro Ferramentas Dixitais para Restauración e Hostalería, no que a posgraduada en Xestión e Dirección de Empresas Turísticas Sonia Torres falará das cartas dixitais, motores de reservas, reparto de comida, produtos para levar, ferramentas de pago e outras iniciativas de interese na actual transformación dixital da hostalería.
O mércores 21, o deseñador gráfico Guillermo Nass impartirá Así Funciona WhatsApp Business, obradoiro no que explicará as novas funcionalidades para organizar, automatizar e responder rapidamente as mensaxes a través desta aplicación móbil de forma sinxela e profesional.
Para finalizar, o xoves 22, Aprende a Promocionar a túa Empresa con Pinterest, onde Esther Garcinuño, diplomada en Ciencias Empresariais, ensinará aos asistentes a tirar o máximo partido da rede social Pinterest.
SmartPEME mostra como sacar proveito empresarial de WhatsApp Business e Pinterest
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
