Este mércores 26 de xaneiro o Centro de Investigación TIC da Universidade da Coruña (CITIC) recibiu a visita de 12 estudantes de bacharelato STEMBach do IES Eusebio da Guarda da Coruña, xunto con 5 profesores e profesoras.
A visita comezou no Demostrador Tecnolóxico cunha presentación do centro e as súas capacidades por parte do subdirector do CITIC, Javier Pereira.
Posteriormente, as mozas e mozos do dito centro coruñés realizaron unha visita guiada polas instalacións do centro, centrada especialmente no CPD (Centro de Proceso de Datos), da man do responsable da unidade de sistemas, Alejandro Mosteiro.
Para rematar, o alumnado tivo a oportunidade de coñecer e probar diferentes proxectos expostos no Demostrador Tecnolóxico nos ámbitos da robótica, a xeolocalización, a Realidade Virtual e a Realidade Aumentada, grazas ao investigador Adrián Xuíz.
O CITIC recibe a visita de alumnado do IES Eusebio da Guarda
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
