Un blog sobre filtracións de ransomware, LockBit 3.0 Leaked Data, hospedado na dark web, publicou que terían accedido e copiado 3 TB de información procedente do operador R e outros 100 GB pertencentes a Euskaltel, que inclúen finanzas, documentos legais, información de clientes e empregados… aportando capturas de pantalla para confirmar que se conseguiu acceder á información que din ter subtraído, resultando especialmente grave o feito de que teñan incluso fotografías completas do DNI de traballadores e datos persoais de clientes, pois de confirmarse o detalle as compañías afectadas deberían ter que comunicarse con urxencia cos clientes comprometidos, xa que a filtración dos seus datos podería facilitar a súa suplantación ou dar pistas dabondo para convertelos en vítimas de calotes de distinto tipo.
Con estas informacións dáse a entender que os equipos de R e Euskaltel foron infectados por un ransomware que asegura devolver a integridade dos documentos cifrados tras o pagamento dunha cantidade determinada.
Dende o Grupo MásMóvil (ao que pertencen R e Euskaltel) aínda non fixeron ningún comunicado recoñecendo ou desmentindo o acontecido.
Poderían ter filtrado 3 TB de documentos do operador R
Compartir Este Artigo
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
