
Igaciencia, organización sen ánimo de lucro dedicada ao impulso da investigación galego, xuntou forzas coa Secretaría Xeral da Lingua para convocar o Concurso de Vídeos Científicos de Divulgación Científica en Galego, dirixido a alumnado de Educación Secundaria, Bacharelato e Formación Profesional.
O prazo para presentar vídeos remata este luns 16 de novembro (ás 23.59 euros).
Os contidos achegados terán unha duración de 1 a 5 minutos e deben abordar unha temática de carácter científico: tecnoloxía, matemáticas, ciencias da terra, bioloxía, física, química, saúde etc. Será o alumnado, coa axuda do profesorado, o que realice un experimento coa correspondente explicación de conceptos científicos de maneira comprensible e creativa.
O obxectivo do certame é “promover a divulgación científica en lingua galega, e fomentar a curiosidade, o pensamento crítico, a creatividade e a comunicación audiovisual entre o alumnado”.
Preténdese estimular a capacidade para explicar conceptos científicos “de maneira rigorosa, comprensible e creativa”, empregando o vídeo como ferramenta de aprendizaxe e divulgación.
Os traballos poderán presentarse de forma individual, en grupo ou como proxecto de aula, baixo a coordinación dun docente.
Cada participante, grupo ou proxecto de aula poderá presentar un máximo dun vídeo.
Os vídeos deben estar realizados integramente en lingua galega e presentar formato horizontal 16:9. De usar a IA, cómpre indicar en que fases do proceso de produción do vídeo foi utilizada.
Concederanse ata un máximo de 10 premios, dotados con 200 € cada un.
O xurado poderá outorgar mencións especiais, declarar deserto algún premio ou redistribuílos entre as distintas categorías cando a calidade dos traballos así o requira.
