YouTube abre máis a súa API

O servizo de vídeo de Google, YouTube, está a abrirse cada día máis a desenvolvedores alleos á compañía, de xeito que xa non se poden integrar os seus contidos en páxinas web, senón que cada día están máis presentes en máis dispositivos coma reprodutores multimedia, cámaras fotográficas dixitais ou teléfonos móbiles, e mesmo en aplicacións informáticas e videoxogos.
Agora, YouTube avanza neste eido, e achega unha colección de novas capacidades que permiten cargar vídeos a YouTube, engadir ou editar información sobre os vídeos (título, descripción, comentarios…), acceder a información sobre os vídeos máis vistos, os máis valorados… de 18 versións internacionais do servizo, realizar consultas optimizadas para as distintas versións locais e personalizar a interface de uso do seu reprodutor multimedia.
As aplicacións destas novas funcións poderían ser moi amplas, e como exemplo termos ó agardado xogo Spore, que permitirá a gravación de vídeos do mesmo que se poderán publicar directamente en YouTube; a ferramenta Animoto, que permite crear vídeos musicais coas nosas fotografías e subilos a YouTube; ou mesmo para publicar cursos e conferencias na Rede de xeito automatizado.