Agardamos que esta incidencia sexa breve, e parece que iso non impide que a súa redacción continúe a funcionar, pois están a incorporar novas incluso nestes momentos, podendo consultarse a través da súa sección de titulares do día (aínda que só aparecen reflectidas novas escritas en español).
Este tipo de problemas en páxinas web é algo moito máis habitual do que se pode pensar, especialmente durante períodos festivos, pois os responsables da renovación de dominios de Internet poden atoparse de vacacións de xeito que non atenden os avisos correspondentes sobre a proximidade da data de caducidade dos seus dominios o que pode ter repercusións puntuais, que non son normalmente graves porque unha vez caducado un dominio existe un período de graza duns 2 meses para que sexa posible a súa renovación sen graves consecuencias.
ACTUALIZACIÓN: O dominio caducado vén de ser renovado por 5 anos, así que é de agardar que nas vindeiras horas o funcionamento de Xornal.com volva á normalidade.
Dende Xornal.com xa piden desculpas pola incidencia e culpan do acontecido ao soporte técnico contratado coa operadora R.
