DivX comeza a introducir a codificación H.264

O software oficial de DivX xa é compatible hai tempo coa compresión H.264 (habitual en clips de alta definición) a nivel de reprodución, pero agora tamén o fai a nivel de codificación a través da última versión de proba, permitindo producir vídeo en alta definición baixo o perfil DivX 7 H.264 HD.
Este sería un dos moitos pasos que están a dar os de DivX para facer que o seu codec de vídeo se converta nun estándar para os novos contidos en alta definición (incluso teñen pensado soportar o contedor Matroshka, recoñecido pola extensión de ficheiro .mkv).