Google News provoca a caída da cotización bolsista de United Airlines

As accións de United Airlines caeron o pasado luns preto dun 75% por culpa de que na web de Google News apareceu accidentalmente unha nova de 2002 na que se anunciaba a suspensión de pagos da liña aérea norteamericana, o que levou a moitos investidores a vender as súas accións da compañía, o que ocasionou unha forte caída da súa cotización, aínda que logrou recuperarse cando se decataron que a nova publicada non era actual.
Segundo parece, o feito de que na cabeceira do Sun Sentinel fixo que o robot de Google News entendese que a nova era actual, e de feito parece difícil de distinguir nunha primeira ollada que se trata dunha información vella, aínda que dende a editora do xornal se defenden asegurando que Google News debería distinguir entre unha nova de actualidade e un artigo moi visitado.
A Comisión de Valores estadounidense abriu un expediente para investigar o grave incidente que debería servir de lección da dependencia que estamos a ter de certas ferramentas que distan de ser perfectas.