Anuncian unha solución que permite usar copias de seguridade na Wii sen chipear

O aproveitamento de vulnerabilidades dunha consola de videoxogos para que poidan empregarse na mesma programas caseiros e copias de seguridade de xogos comerciais é unha preocupación para os fabricantes, pero normalmente non se converten nunha tendencia moi espallada por precisar de complexas operacións como a instalación de modchips, pero na Internet xa se está a demostrar o que podería ser o Wii ISO Loader, un disco que permite reproducir nunha das consolas domésticas de Nintendo copias de seguridade convertidas cun programa especial.
Para demostrar este achado publicaron un vídeo no que se ve cómo reproducen unha copia dun xogo de Zelda, e de confirmarse o bo funcionamento desta solución dende Nintendo poderían comezar unha loita de revisións do firmware da súa consola para evitar que a Wii siga os pasos das consolas portátiles actuais en piratería (ou o da desaparecida Sega Dreamcast).