Os ultraportátiles de baixo custo teñen boas vendas pese a crise

Pese a que a crise económica parece estar afectando á demanda de equipos informáticos, parece que os ultraportátiles de baixo custo continúan a medrar con forza no mercado, e MSI anunciou que prevé que rematará o ano con 700.000 unidades do seu MSI Wind vendidas, superando sobradamente o medio millón de unidades que prevía vender este ano (o que podería permitir á marca superar a Samsung coma décimo fabricante a nivel mundial).
Os portátiles de MSI non se vende só baixo marca propia, senón que os seus ultraportátiles con pantalla de 10 polgadas tamén se poden ver nas tendas españolas baixo marcas coma Medion ou Advent, converténdose en todo un éxito que chegou a eclipsar ao Asus Eee PC, que se demorou moito na súa comercialización en España, deixando que incluso fabricantes como Airis lles roubasen mercado.
Pese a todo, a nivel internacional os Eee PC están a ter un éxito impresionante, e Asustek podería ter producido 700.000 equipos só no mes de setembro, acumulando 1,7 millóns de unidades no último trimestre, polo que os seus resultados de cara á campaña de Nadal poderían ser moito mellor do que cabería agardar nun momento no que existe moita competencia no sector e o mercado da electrónica de consumo está enconllendo.