A Asociación de Empresarias da Coruña organiza en decembro tres cursos sobre utilidades web

A Rede de Dinamización da Sociedade da Información segue adiante coa súa colaboración coa Asociación de Empresarias da Coruña. Este traballo conxunto estase a materializar nunha longa experiencia de achegas formativas (52 obradoiros impartidos ata o de agora e 366 horas de sesións didácticas) xa desenvolvidas e por desenvolver. Por certo que en decembro o programa renóvase coas seguintes convocatorias: Curso de postais e almanaques (entre o 1 e o 5 de decembro, orientado a achegar recursos para a creación de postais propias de Nadal, estando prevista unha exposición co resultado dos traballos), Viaxes por Internet (actividade prevista para o 19 de decembro e encamiñada a facilitar consellos para reservar un hotel, mercar un billete de avión ou de tren a través de Internet) e Exercitar a memoria por Internet (dirixido a subministrar recursos en liña para axilizar a memoria, a desenvolver entre o 22 e o 23 de decembro).
As persoas intreresadas en participar deberán porse en contacto coa responsable da Rede de Dinamización que desenvolve o seu traballo na dita Asociación de Empresarias da Coruña, a través do seguinte enderezo de correo electrónico: pilar.acoruna@dinamiza.sociedadedainformacion.eu.