A pasada fin de semana Vieiros informou de que a Dirección Xeral de Comunicación Audiovisual puxo en marcha unha páxina web con información sobre a cobertura da Televisión Dixital Terrestre en Galicia, combinando un sistema de información xeográfica (GIS) cun apartado de consulta por provincia, concello, parroquia e núcleo de poboación, de xeito que se poden localizar os diferentes emisores, reemisores e encheocos da TDT por toda a nosa xeografía.
A web tamén permite consultar se hai cobertura da TDT en cada núcleo de poboación e a súa calidade (ou a data na que se agarda que estea dispoñible), así como a distancia entre a localización indicada e o seu reemisor máis próximo (baseándose en mapas de Google) aínda que no momento de escribir estas liñas o servizo no parecía estar operativo, posiblemente porque o seu equivalente estatal está fóra de servizo por estar en pleno proceso de actualización (para incorporar as extensións de cobertura recentes).
Nova web para consultar a cobertura da TDT en Galicia
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
