Filmaps axuda a situar lugares de película

A xeolocalización e os mapas na web supoñen unha mestura sumamente atractiva para usos profesionais e lúdicos, e dentro destes últimos podemos achegarnos a Filmaps, un mashup que facendo uso dos mapas de Google permite descubrir localizacións nas que se gravaron escenas cinematográficas, polo que os amantes da 7ª arte poderán coñecer estes lugares a xeito de curiosidade ou mesmo para planificar futuras visitas.
Este servizo creado por David Boix, conta xa con máis de 500 localizacións (cunhas poucas en España) de máis de 180 películas, o que se enriquece coa contribución dos usuarios.