Desenvolven unha tecnoloxía de posicionamento 3D de persoas en edificios

Os estudantes de enxeñaría en Århus (Dinamarca) Taaning Malik e Claus Nielsen desenvolveron BEAM, unha tecnoloxía que é capaz de amosar na pantalla dun ordenador a posición de xente movéndose en tempo real en contornos tridimensionais, o que podería utilizarse para monitorizar a bombeiros dentro dun edificio ou outras situacións de emerxencia, como simulan en películas (Misión Imposible, El Caballero Oscuro, etc.) e series de televisión (24).
O software desenvolvido amosa fiestras, portas, teitos e paredes, e as persoas localizadas deben levar un sensor con forma de caixa verde que se comunica sen fíos co ordenador de supervisión sito fóra do edificio.
A principal eiva desta tecnoloxía é que precisa que os edificios afectados polas emerxencias conten cun modelo 3D que se poida cargar nun ordenador, o que xa existe para os edificios públicos máis novos en Dinamarca.