Xornada de difusión das novas tecnoloxías no rural en Melide

O vindeiro luns o telecentro de Melide acollerá unha xornada gratuíta e aberta á participación na que se ensinarán conceptos básicos como xestións diarias por Internet. Solicitar unha cita médica, renovar o DNI ou obter unha licenza de pesca son exemplos de xestións que se ensinarán a facer aos asistentes a esta xornada que comezará ás 16:00 horas e durará 3 horas.
Esta iniciativa está enmarcada no Plan Avanza do Ministerio de Industria, e pretende achegar as novas tecnoloxías á poboación rural, familiarizándoa coas xestións que se poden realizar a través da Rede.