O novo disco de U2 estréase nas redes P2P

Pese ás moitas medidas de seguridade que toman as casas discográficas hoxe en día, o novo álbum de U2 que chegará ás tendas irlandesas o vindeiro día 27 (o 3 de marzo chegará ao resto do mundo) xa circula polas redes de intercambio de ficheiros na Internet No Line on the Horizon en calidade CD, repetíndose o que acontecera co anterior disco do grupo, que tamén se filtrara á Internet antes do seu lanzamento oficial (incluso con meses de antelación).
Estímase que en 10 horas o disco xa foi descargado unhas 100.000 veces, pero os seguidores de Bono e a súa banda que non queiran acudir á senda escura para escoitar un adianto do novo disco, poden ir á páxina de MySpace do grupo, onde hoxe xa se pode escoitar o álbum completo de balde, aínda que mediante tecnoloxía de streaming de xeito que non se poden gardar os ficheiros de cara á súa reprodución futura.