Presentan o H2BOX coa un ordenador barato para a reprodución multimedia no salón

No mes de abril podería chegar ao mercado español por un prezo base de 289 euros un centro multimedia chamado H2BOX que pretende converterse nunha alternativa económica a outras solucións semellantes para levar os contidos multimedia ao salón dos nosos domicilios.
O H2BOX sería un equipo cun procesador AMD de dobre núcleo, 2 Gb de RAM, disco duro, saída HDMI, S/PDIF, 6 portos USB e Gigabit Ethernet, que se sostén sobre unha distribución Ubuntu GNU/Linux e os programas MythTV (para funcionar coma DVR) e XBMC (coma reprodutor multimedia), configurado para que o usuario non se teña que preocupar en nada máis que elixir os contidos que quere ver no seu televisor.
Esta solución ideada por Jerónimo Palacios permite reprodución música, ver fotografías e mesmo soporta vídeos en alta definición (incluíndo os ficheiros MKV a 1.080p), o que non é ningunha innovación, senón que se trata da combinación de tecnoloxías sobradamente establecidas e abertas, polo que o usuario non terá problemas para ampliar o H2BOX incluíndolle unha sintonizadora dual, un lector de Blu-ray ou unha tarxeta Wi-Fi se o considera oportuno.
Incluso están a traballar na posibilidade de integrar un cliente de BitTorrent para que se poida automatizar a descarga de series de televisión, podcasts ou videoblogs, o que agradecerán os usuarios que non queiran complicarse a vida para ter unha experiencia semellante ao vídeo baixo demanda, pero a un custo mínimo.