Rosa Díez abandona Twitter tras unha polémica

Nos últimos comicios electorais vimos coma os políticos subían ao carro das redes sociais para achegarse aos seus electores, pero na meirande parte dos casos son os equipos de campaña os que desenvolven este traballo, e os políticos non se involucraban directamente, aínda que nalgún caso finxían facelo, ou iso parece se miramos á polémica suscitada tras a aparición de Rosa Díez nunha entrevista en directo en Televisión Española á vez que respondía comentarios en Twitter.
Está claro que a líder de UPyD non pode estar en 2 lugares á vez, e dende a formación política aseguran que Díez encárgase en persoa de escribir no seu blog e actualizar os seus estados en Facebook e Twitter, aínda que conta cun «axudante persoal» que ás veces fai estas tarefas «coas súas instrucións», o que non parece convencer ao público, aínda que noutros casos non chegou a crearse ningunha polémica porque era público e notorio que non eran os políticos en persoa os que xestionaban as súas imaxes virtuais.
Agora, se intentamos acceder á conta de Rosa Díez en Twitter atopamos que non está dispoñible porque vén de ser pechada, o que parece bastante lóxico, o que supomos que se trata dunha acción prudente, para evitar a repetición de incidentes semellantes.
Os políticos deberían pensar mellor a súa presenza en liña, e posiblemente deberían limitar a súa actividade en redes sociais, actuando con honestidade, e deixando claro cando son eles os que realmente están detrás das súas personalidades virtuais.