The Pirate Bay permite compartir torrents en Facebook

Nas últimas semanas The Pirate Bay é un fervedoiro, con múltiples novidades como a posibilidade de que os seus usuarios poidan xerar o seu propio fluxo RSS coas descargas que queiran realizar (o que permitiría automatizar as mesmas dende un equipo remoto) ou a posibilidade de contratar con eles unha conexión á Rede tunelizada para fuxir do control externo (Ipredator), e agora incorporan tamén unha opción para compartir os seus ficheiros torrent a través de Facebook, o que podería fomentar o uso desta plataforma de intercambio de arquivos.
De todos os xeitos, hai que admitir que moitos usuarios serán reticentes a facer un uso tan público de redes P2P, xa que estarían a expor a través de Facebook o uso dunha práctica que aínda que non sexa delito, non sempre é legal.
O que si podería dispararse é o uso da rede de BitTorrent para compartir legalmente aplicacións informáticas de balde ou contidos de grande tamaño, que mellorarían a súa visibilidade na plataforma de redes sociais fundada por Mark Suckerberg.