Aparece un vídeo dun suposto cargador de aplicacións para Wii por USB

Un grupo de desenvolvedores de software non oficial para Wii veñen de presentar nun vídeo unha aplicación que podería supor toda unha revolución para os usuarios, xa que permitiría a carga de aplicacións caseiras (así como copias de xogos orixinais) dende un disco duro externo, o que finalmente foi posible tras conseguir dar soporte á conectividade USB 2.0 da consola.
A aplicación non só permitiría cargar copias de seguridade dos nosos xogos, senón que tamén facía a función de volcado dos mesmos a unha unidade USB externa (tanto memoria USB coma disco duro, sempre que funcione co sistema de ficheiros FAT32).
De todos os xeitos, esta aplicación aínda non foi publicada para a súa descarga, e o vídeo que circula pola web é unha filtración, polo que os detalles sobre a veracidade deste interesante avance son descoñecidos, e non falta que sospeita que podería ser unha broma do Primeiro de Abril (que chegase antes de tempo accidentalmente).

Vídeo filtrado no que se ve en funcionamento o cargador de apliacións para Wii vía USB