Google comeza a ofrecer no seu buscador gráficos interactivos con datos institucionais

Google ofrece dende hai tempo varias API para facilitar a creación de gráficos para a súa publicación na web, e decidiu aproveitala para o seu propio buscador, de xeito que ao buscar información sobre temas dos que hai datos institucionais nos EE.UU. como a poboación dun estado ou as súas taxas de paro podemos acceder a un gráfico interactivo que presente os resultados pertinentes.
Esta funcionalidade podería aplicar a calquera base de datos pública do mundo, polo que dende Google están a contactar con distintas institucións e organismos para ampliar as informacións susceptibles de amosarse de xeito gráfico no buscador norteamericano, que poderían ir dende índices de prezos ata emisións de CO₂, pasando por calquera enquisa pública coma dos datos que en España recolle o INE.
Polo momento a disposición desta tecnoloxía está limitada a pouco datos, e a usuarios norteamericanos, e os datos do paro sería un dos que podemos consultar na actualidade, podendo mesmo realizar comparacións entre distintas poboacións e estados, resultando de bastante utilidade este novo xerador de gráficos de fontes de información públicas.

Vídeo oficial de presentación da nova funcionalidade de Google