Microsoft nega toda relación con esta información, o que non quere dicir que sexa incorrecta, senón que non recoñecen a oficialidade da súa fonte, e incluso hai rumores que dan detalles moi específicos do que sería o futuro produto. Non sería de sorprender que e tratase dun terminal co sistema operativo Windows Mobile 7 (lembremos que o WM6.5 aínda non está no mercado), cunha pantalla multitáctil de 3,5 polgadas e unha resolución de 800 x 480 píxeles (moi superior á do iPhone), procesador ARM v6+ con hardware para gráficos, cámara de 3 Mpíxeles, GPS, Wi-Fi, Bluetooth, compás, acelerómetro, sintonizador de radio FM… en definitiva, todas as características do que sería a nova xeración de produtos de man de Microsoft, sexan ou non fabricados pola compañía de Redmond.
Todo este rebumbio coincide cunha campaña na que Microsoft critica o custo de encher de música legalmente un iPod, mentres que o seu reprodutor conta co Zune Pass, que ten a posibilidade de contratar unha tarifa plana de música por 15 dólares/mes:
ACTUALIZACIÓN: Dende a conta de Twitter que iniciou a cadea de rumores parecen admitir que todo era unha broma.
