Pasar de Windows Vista a Windows 7 podería levar ata 21 horas

Os enxeñeiros de Microsoft están a medir o rendemento de Windows 7 a distintos niveis, incluíndo o proceso de actualización dende Windows Vista, chegando á conclusión de que por termo medio o proceso do novo sistema operativo de Microsoft é máis rápido ou equivalente ao tempo de actualización de Windows XP a Windows Vista SP1, pero ao botar un ollo ás táboas comparativas de tempo elaboradas vemos cómo detallan un caso no que o proceso de actualización tarda 1.305 minutos en completarse, o que resulta escandaloso, pero hai que ter en conta que falamos de casos nos que o sistema operativo ten un número moi elevado de ficheiros a actualizar, ou sexa, que os escenarios de proba son un tanto extremos (para reflectir diversos perfís), aínda que no mellor dos casos rexistrados o tempo de actualización supera os 26 minutos, e en equipos cunha carga media é normal superar os 100 minutos, polo que os usuarios deberían ter iso en conta á hora de decidir se actualizan ou realizan unha instalación limpa á hora de pasar a Windows 7.