Sietes serve para promocionar tanto Windows coma Linux

Esta semana realizarase o lanzamento mundial do sistema operativo Windows 7, acompañado de múltiples iniciativas promocionais, destacando en España a campaña baixo o lema Sietes, un pueblo de expertos, no que Microsoft aproveitou o nome da vila asturiana de Sietes para dar a coñecer as bondades do sistema operativo que colle o relevo do Windows Vista, e que xa conta cunha contrapartida das asociacións Softastur, Asturlinux e LoCo Team Asturianu, que celebraron un obradoiro de isntalación de GNU/Linux a pasada fin de semana en Sietes e incluso contan cunha web que responde ao título de Sietes, un pueblu de linuxeros.
Dá a impresión de que esta única iniciativa, lonxe de contrarrestar a campaña de Microsoft, a reforza, aínda que haberá que agardar ao vindeiro xoves para comprobar se o lanzamento de Windows 7 vén realmente acompañada dun forte investimento publicitario, e se as mensaxes a favor do software libre caen ou non en saco roto.