GeoCities bota o peche

Nos inicios da popularización da Internet xogou un papel moi importante o servizo de hospedaxe web GeoCities, que en 1999 foi adquirido por Yahoo por 3.570 millóns de dólares en accións, o que non conseguiu revitalizar esta plataforma de publicación, que coa chegada da web colaborativa quedou totalmente obsoleta, levándoa a botar definitivamente o peche hoxe mesmo.
Podemos ver GeoCities coma un simple servizo de hospedaxe web de balde financiado con publicidade, pero o certo é que pretendía ser moito máis, dando lugar a comunidades temáticas e a outras funcionalidades que non lograron calar nos usuarios, de aí que pouco a pouco fose esmorecendo o servizo ata volverse invisible para os usuarios, que actualmente fan uso de plataformas coma Blogger, Flickr ou YouTube, máis cómodas para a publicación de contidos na Internet.