Os comics de DC publicaranse simultaneamente en papel e dixital

Dentro do sector editorial, os comics son un dos formatos que máis resistencia están a opor á comercialización das súas obras dixitalizadas, e aínda que existan plataformas de cómic dixital na que están presentes as grandes compañías, as publicación actuais padecen dunha fiestra de protección que fai que sexa case imposible conseguir coleccións de hai menos de 2 anos, o que parece que vai camiño de rematar, xa que o vindeiro 31 de agosto DC Comics vai renumerar toda a súa liña de superheroes, de xeito que as 52 coleccións do Universo DC van publicar o seu número 1, chegando todas esta obra simulateamente a librarías e a plataformas de distribución dixital.
O 31 de agosto DC Comics só vai publicar 2 títluos: o último número da miniserie FLASHPOINT e o primeiro número da JUSTICE LEAGUE, colección que será a que estree a nova política de edición, que non sorprendería que en pouco tempo seguisen a Marvel e outras editoriais, que nos últimos meses están a ver cómo dispositivos coma o iPad fan máis atractiva a experiencia de lectura de comics en formato dixital, aínda que podería afectar seriamente á toda a cadea de distribución e comercialización de banda deseñada en soporte físico, que podería chegar a seguir a mesma sorte que os seus homólogos no sector musical.