O Ministerio de Industria, Turismo e Comercio, a través da entidade pública red.es, vén de por en marcha un ciclo de xornadas formativas sobre o protocolo IPv6, que substitúe ao anterior iPv4, e que se foi introducido recentemente debido ao esgotamento das direccións da versión anterior.
As xornadas, que se estenderán por todo o territorio nacional, están orientadas en xeral a xestores de todo tipo de empresas, así como a administradores de redes e sistemas, a desenvolvedores de aplicacións, a estudantes ou a docentes da materia, que precisarán coñecer de primeira man as características do novo protocolo IPv6.
Os cursos formativos son de balde e contarán cun enfoque teórico e cun enfoque práctico, nos que se abordarán cuestións como o impacto da incorporación do IPv6, as diferenzas co IPv4, os mecanismos de transición e coexistencia…
Este ciclo de xornadas enmárcase no Plan de Fomento para a incorporación do protocolo IPv6 en España, e inclúe outras accións como a incorporación do protocolo en varios dos servizos e web do Ministerio de Industria, Turismo e Comercio; a creación dun portal de difusión de información explicativa e didáctica sobre IPv6; a adopción do mesmo no portal de acceso aos servizos de Administración Electrónica 060…
O Goberno imparte formación de balde sobre o novo protocolo de Internet IPv6
Compartir Este Artigo
- Unha de cada catro empresas galegas con dez ou máis persoas empregadas utiliza intelixencia artificial
- O VI Encontro CIBER.gal, que se celebrará do 4 ao 6 de novembro na Cidade da Cultura, abriu o prazo de inscrición
- A Xunta destaca o papel das telecomunicacións como ferramenta para garantir a seguridade das persoas e do territorio
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
