Orange continuará a subvencionar móbiles para clientes novos e actuais

Cando Movistar anunciou que ía deixar de subvencionar terminais móbiles para atraer clientes doutras compañías parecía claro que os seus competidores ían seguir o mesmo camiño, o que confirmouse no caso de Vodafone nos últimos días, pero agora Orange decidiu desmarcarse, asegurando que vai manter as subvencións tanto para clientes actuais coma novos, por considerar que a súa estratexia a este respecto é “axeitada e sustentable” e responde ás necesidades de parte dos seus clientes.
Curiosamente Orange opta por ofrecer o mesmo prezo de terminais a novos clientes e a clientes actuais a través do programa Renove Estilo, e para mellorar a súa relación co cliente decidiron lanzar un servizo que busca dar certas garantías ao usuario e que responde ao nome comercial de Tranquilidad, chegando en 2 modalidades: Tranquilidad Total (que en caso de roubo, rotura ou avaría subministra un móbil de reposto igual ao asegurado en menos de 48 horas, permite recuperar a liña ao momento mediante unha SIM de tranquilidade, mantén copias de seguridade dos nosos contactos e optimiza o servizo postventa) e Tranquilidad Orange (que achega un móbil de substitución durante as reparacións de terminais avariados, inclúe copias de seguridade dos contactos, a comentada SIM de tranquilidadee un servizo de atención ao cliente personalizado). Este último servizo custaría só 1 euro/mes, mentres que a súa modalidade Total custaría 4, 8 ou 12 euros/mes, dependendo da gama do terminal asegurado.