Ribeira incorpórase á Rede CeMIT

Mar Pereira, directora de AMTEGA, e Alfonso Cabaleiro, secretario xeral de Medios da Xunta, acompañados polo alcalde de Ribeira, Manuel Ruiz Rivas, inauguraron hoxe a nova aula CeMIT do devandito concello coruñés, que ocupa un espazo de 80 m² e conta cunha dotación de 12 postos informáticos de traballo, equipo profesional de videoconferencia e proxección de vídeo. Precisamente a través de videoconferencia é como o alcalde de Boiro, Juan José Dieste Ortigueira, deu a benvida ao novo centro integrante da Rede CeMIT.
Para a posta en marcha do novo centro realizouse un investimento de 90.000 euros por parte da Xunta, co financiados por Fondos FEDER, e sería o cuarto destas características sito na Comarca do Barbanza (Muros, Noia, Porto do Son e Boiro son os outros concellos adheridos á Rede CeMIT). As novas instalacións están situadas no Edificio da Escola Municipal Infantil, e están abertas a cidadáns e empresas, que poderán acceder de balde á formación en TIC que se impartirá alí a través dun completo Plan de Formación que en 2012 superou as 23.000 horas na nosa comunidade.