A actualización a Windows Phone 7.8 podería comezar a distribuirse o vindeiro día 31

Aínda que o feito de que os móbiles con Windows Phone con procesadores dun único núcleo (dispositivos que actualmente funcionan con Windows Phone 7.5) non vaian a poder actualizarse a Windows Phone (por non superar os seus requisitos mínimos) non fose unha nova ben recibida polos posuidores de móbiles como os Nokia Lumia 610/710/800, dende Microsoft xa apuntaron que iso non indicaba que fosen quedar abandonados, senón que terían que agardar a unha actualización intermedia, o Windows Phone 7.8, que se atendemos a un comentario realizado en Facebook pola filial de soporte de Windows Phone para Colombia, comezará a distribuírse o vindeiro 31 de xaneiro, aínda que matizando que polo momento non se detallou o calendario de actualizacións por terminais, aínda que é de agardar que durante o presente trimestre complétese este ciclo de actualizacións.
Deste volta Microsoft será quen publique a actualización (agás algunhas excepcións como as dos terminais de Nokia, compañía que controlará o salto dos seus móbiles a Windows Phone 7.8 porque vai incorporar algunha aplicación adicional en exclusiva) polo que estariamos ante unha actualización bastante rápida, que non deixaría a usuarios colgados como acontece, por exemplo, con algúns móbiles con Android que reciben pouca atención por parte dos seus fabricantes.
As datas comentadas parecen bastante cribles, pois operadores de varios países (Alemaña, Australia, Reino Unido…) coinciden ao situar a actualización a finais de febreiro, aínda que Microsoft non fixo ningún anuncio oficial. É de agardar que esta actualización revitalice o mercado de móbiles con Windows Phone 7.8, que poderían converterse nos móbiles co sistema operativo de Microsoft que se utilizasen como smartphones de entrada, pois teñen prezos comparables a moitos móbiles con Android, pero coas características propias de Windows Phone que achega unha experiencia de uso moi semellante entre as distintas plataformas da compañía de Redmond.