Twitter celebra o seu 7º aniversario

Resulta curioso ver como algunhas plataformas de comunicación que empregamos habitualmente na actualidade non existían hai poucos anos, o que hoxe temos presente grazas á celebración do 7º aniversario de Twitter, que en só este tempo superou os 200 millóns de usuarios activos que xeran máis de 400 millóns de chíos ao día, algo impensable cando naceu o servizo en 2006.
Neste tempo Twitter converteuse nun medio de comunicación global, con grande forza en dispositivos móbiles e da que están a tirar moito proveito dende as canles de televisión como un vieiro para conectar cos seus espectadores e encamiñar conversas cara a pequena pantalla. Twitter tamén conseguiu grande relevancia á hora de dar conta de revoltas na rúa, de catástrofes, de acontecementos políticos e deportivos, de espectáculos… e, dende hai poucas semanas, tamén dispoñible en galego. Para celebrar este percorrido, publican un vídeo no que achegan algúns datos de interese e destacan moitos dos seus fitos: