Confirman que boa parte dos fabricantes de dispositivos con Android fan trampa nos benchmarks

Cando saen novos dispositivos como smartphones e tablets é normal sometelos a distintas probas para saber cal é o seu rendemento para distintas funcións, pero unha investigación está a dar conta dunha práctica denunciada e numerosas ocasións: os fabricantes de dispositivos Android fan trampa para que os seus procesadores consigan mellores resultados nos sistemas que miden o seu desempeño.
Esta polémica gañou notoriedade no verán, co lanzamento do Samsung GALAXY S4, do que concluíuse que o modelo con procesador Exynos 5410 detectaba a presenza de certos benchmarks e elevaba a velocidade máxima á que podía operar o seu procesador gráfico para conseguir mellores resultados, mentres que a CPU tamén incrementaba o seu voltaxe e velocidade (tanto na versión con Snapdragon 600 como na que inclúe o procesador Exynos) para conseguir puntuar mellor nas probas (cando as detecta).
En vista desta práctica decidiuse facer probas con moitos outros teléfonos con Android para descubrir que practicamente as únicas compañías que non fan trampas con Motorola, Google e nVIDIA, mentres que Asus, HTC, LG e Samsung si reaccionan dalgún xeito ante certos benchmarks, o que resulta especialmente alarmante no caso dos Samsung GALAXY Note 3 e 10.1, que enganan a 6 dos 7 tests aos que se someteron aos dispositivos.
De todos os xeitos hai que comentar que estas prácticas dos fabricantes son pouco significativas, de xeito que o seu impacto normalmente non chega ao 5% en termos de CPU, aproximándose ao 10% nalgún caso moi concreto. Deste xeito enténdese que os fabricantes non fagan que os seus produtos funcionen sempre ao seu máximo rendemento, pois sometendo os procesadores a unha presión menor conséguese un menor consumo e unha maior vida dos dispositivos comprometendo de xeito insignificante o seu rendemento real.