Un grupo palestino modifica a páxina web de WhatsApp

Nas últimas horas WhatsApp está a experimentar problemas debido a un ataque informático reivindicado polo grupo palestino KDMS Team, afiliado a Anonymous, que tería modificado a páxina web de WhatsApp para amosar unha mensaxe reivindicativa e provocando que algúns usuarios do servizo de mensaxería instantánea non poidan descargar imaxes.
Polo momento dende WhatsApp non detallaron se esta intrusión afectou dalgún xeito á aplicación ou aos datos dos usuarios, aínda que non parece que acontecese tal, dando a impresión de que se trataría dun ataque semellante ao que nos últimos días experimentou LeaseWeb, compañía de hospedaxe web que durante varias horas padeceu un secuestro de DNS (o que non suporía unha vulneración dos datos dos usuarios).