O Tribunal de Xustiza da Unión Europea considera legal modificar consolas de videoxogos

Nos últimos anos non foron poucas as denuncias presentadas por entidades como aDeSe contra tendas que vendían sistemas que facilitaban a vulneración das protección de consolas de videoxogos para executar código non asinado (o que inclúe copias ilegais dos xogos) e finalmente o Tribunal de Xustiza da Unión Europea pon orde no asunto nunha resolución dunha causa de Nintendo contra a tenda italiana PC Box (sen relación coa cadea de tendas española co mesmo nome) na que detállase que baixo certas circunstancias evitar as proteccións das consolas de videoxogos é legal.
O feito de que os sistemas para desprotexer consolas permitan a reprodución de vídeos e música, ou programas caseiros, fai que sexan legais, pois o seu único uso non sería a reprodución de videoxogos copiados ilegalmente. O Tribunal detalla que a protección legal comunitaria é relativa ás medidas tecnolóxicas para evitar os actos de comunicación, reprodución ou distribución pública, considerando que non resulta proporcional prohibir dispositivos e actividades que poidan empregarse para propósitos ilegais ocasionalmente, pois para que completar a actividade ilegal (o uso de videoxogos non adquiridos legalmente) é preciso a intervención de terceiros.
De todos os xeitos, o Tribunal asegura que cómpre analizar cada caso, para ver se os sistemas para eliminar as proteccións das consolas de videoxogos se empregan maioritariamente para infrinxir o copyright ou se tal uso é simplemente anecdótico.