Santiago acolle este venres a nova edición de Compostweets, encontro dos nosos profesionais das redes sociais

Este venres quen queira falar ou escoitar falar sobre as redes sociais e as súas implicacións na nosa vida diaria (incluída a nosa vida empresarial) ten unha cita ineludible en Santiago de Compostela, no Centro de Novas Tecnoloxías de Galicia, onde recunca Compostweets cunha nova convocatoria logo de terse desenvolvido no mesmo escenario a pasada edición. Dende a organización recalcan que, unha vez máis, o obxectivo do encontro é (amais de debater acerca dos camiños e acubillos 2.0), vincular a todos os profesionais da Rede social, “facendo networking na medida do posible”.
Como avanzamos hai uns cantos días, estamos ante encontro que inclúe relatorios con vocación didáctica aos que seguirá unha sesión de elevator pitch para dar a coñecer algúns novos proxectos galegos. Compostweets vén da man de Lúdica 7, empresa especializada en accións formativas sobre servizos sociais, na achega de recursos para a publicación dixital do xeito máis cómodo e eficaz posible e, tamén, na organización das diferentes xuntanzas de Compostweets, xeiras de traballo e intercambio de información que reúnen dende a súa posta en marcha a centos de profesionais (máis de 300 na primeira cita) das redes sociais na nosa terra.
Segundo Lúdica 7, os obxectivos de Compostweets pasan por crear, manter no tempo e ampliar un punto profesional de encontro arredor dun fenómeno que nos colle de cheo: o espallamento dos servizos de Internet que convidan á participación activa. Asemade, preténdese establecer ligazóns duradeiras con outras accións profesionais semellantes que se levan a cabo na xeografía estatal.
O programa de Compostweets 2014 quedaría como segue:
10:00 – Apertura de instalacións, recepción de asistentes e convidados
10:30 – Compostweets 2014 Nadal en Rede
11:00 – Un Facebook divertido / O Facebook de Chus Alvite
11:30 – 12:00 – Café.
12:00 – O meu Twitter supérame. ¿Redes sociais? O meu sobriño encárgase de todo por Javier Rocamora
13:00 – Non vendo un pemento co meu e-commerce por Manuel Alonso
13:30 – Presentacións Elevator Pitch
14:00 – Xantar no Restaurante O Pajueleira (esta actividade terá un prezo de 10 euros